რაჭაში ახალგაზრდა კაცი დაჭრეს.
გავრცელებული ინფორმაციით, დაშავებულს დაზიანება დანით აქვს მიყენებული.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.
დანაშაულის შეუტყობინებლობის ბრალდებით ორი პირია დაკავებული, დაჭრაში ბრალდებულის დაკავების მიზნით კი საგამოძიებო მოქმედებები მიმდინარეობს.