სამართალდამცველებმა სოფელ გონიოში დააკავეს პირი, რომელსაც დიდი ოდენობით ნარკოტიკული საშუალება აღმოაჩნდა. მას სამგზავრო ჩანთის სახელურში მოწყობილ სპეციალურ სამალავში 32.421 გრამი „ჰეროინი“ ჰქონდა.
ბრალდებული 1987 წელს დაბადებული მამაკაცია. მას 8-დან 20 წლამდე ან უვადო თავისუფლების აღკვეთა ემუქრება.
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მე-6 ნაწილის „ა“ ქვეპუნქტით მიმდინარეობს.