მცხეთის მუნიციპალიტეტის სოფელ მუხრანში მომხდარი მკვლელობის შესახებ ახალი დეტალები ხდება ცნობილი.
მეზობლები არ გამორიცხავენ, რომ მიზეზი, შესაძლოა, სექსუალური ძალადობა იყოს. გავრცელებული ინფორმაციით, მამაკაცი წლების განმავლობაში საკუთარ რძალზე სექსუალურად ძალადობდა, ციხიდან ახლადგამოსულმა შვილიშვილმა კი ამ ფორმით შური იძია.
მეზობლების ინფორმაციით, ახალგაზრდა მამაკაცი წარსულში, მკვლელობისთვის არის ნასამართლევი და ის ციხიდან რამდენიმე დღის წინ გამოვიდა.
შეგახსენებთ, მცხეთაში 28 წლის მამაკაცმა მამა და ბაბუა მოკლა, დანაშაულის ჩადენის შემდეგ კი მიიმალა. გავრცელებული ინფორმაციით, მამაკაცმა მამას და ბაბუას ყელი მძინარეს გამოჭრა.
წყარო: რუსთავი 2