ახმეტის მუნიციპალიტეტის სოფელ მატანში მომხდარ ავტოსაგზაო შემთხვევას ერთი ადამიანის სიცოცხლე ემსხვერპლა. ის 20 წლამდე მამაკაცია, რომელიც ადგილზე გარდაიცვალა.
დაშავებულია კიდევ ორი პირი - ახალგაზრდა ქალი და მცირეწლოვანი გოგონა. ისინი ადგილზე მობილიზებულმა სასწრაფო სამედიცინო დახმარების ჯგუფმა თელავის რეფერალურ საავადმყოფოში გადაიყვანა.
მომხდარზე გამოძიება სსკ-ის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.