თბილისში, ვაჟა-ფშაველას გამზირზე ახალგაზრდა კაცი, ცივი იარაღით დაჭრეს.
წინასწარი ინფორმაციით, დაჭრას წინ ურთიერთშელაპარაკება უძღოდა.
დაშავებული კლინიკაშია გადაყვანილი, მას ჭრილობა გულ-მკერდის არეში აქვს მიყენებული.
არსებული ინფორმაციით, მისი ჯანმრთელობის მდგომარეობა სტაბილურია.
როგორც შინაგან საქმეთა სამინისტროში report.ge-ს განუცხადეს, დანაშაულის სავარაუდო ჩამდენი ერთი პირი ცხელ კვალზე დააკავეს.
მათივე ცნობით, მომხდარზე გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.