ტყიბულში მოკლული 40 წლის ზაურ (კუკა) სოფრომაძე, თერჯოლაში, საცხოვრებელ სახლში გადაასვენეს.
არსებული ინფორმაციით, კაცს ცეცხლსასროლი იარაღიდან ოთხი ჭრილობა მიაყენეს.
მოკლულის ახლობლები ამბობენ, რომ მამაკაცი ტყიბულში ნათლოაბაზე იმყოფებოდა.
"გავიგეთ მოკლესო. საქმიანობით არაფერს საქმიანობდა, ოჯახში იყო. ვიცით რომ საკუთარ მანქანაში იჯდა. მტრები თუ ყავდა ამასაც ვერ გეტყვით. 40 წლამდე იყო, ორი პატარა შვილი ყავს. ტყიბულში ნათლობაზე იყო წასული, რომლის შემდეგაც მოხდა ეს ამბავი," - აცხადებენ მოკლულის ოჯახის ახლობლები.
შეგახსენებთ, რომ ტყიბულში ახალგაზრდა კაცი მოკლეს.
როგორც Report.ge-ს შსს-ში განუცხადეს, მომხდარზე გამოძიება სსკ 108-ე მუხლით მიმდინარეობს, რაც განზრახ მკვლელობას გულისხმობს.
მათივე ინფორმაციით, მიმდინარეობს ინტენსიური საგამოძიებო მოქმედებები.