BBC-ის ცნობით, დიდ ბრიტანეთში როკჯგუფ Queen-ის პატივსაცემად სამახსოვრო მონეტა გამოუშვეს.
ეს ლეგენდარული კოლექტივისადმი მიძღვნილი პირველი მონეტაა სერიაში, რომელთა გამოშვებას დიდი ბრიტანეთის სამეფო ზარაფხანა აპირებს.
სამახსოვრო მონეტები 3 ვარიანტში იქნება წარმოდგენილი: ოქროსგან, ვერცხლისგან და ჩვეულებრივი მონეტები. ფასები 13-დან 2220 ფუნტ სტერლინგამდე მერყეობს
მონეტაზე გამოსახულია Queen-ის ლოგოტიპი და ჯგუფის წევრების მუსიკალური ინსტრუმენტები: ბრაიან მეის ელექტროგიტარა, როჯერ ტეილორის დასარტყამი ინსტრუმენტი, ჯონ დიკონის ბასგიტარა და ფრედი მერკურის მიკროფონი.