ოფიციალური პეკინი ამერიკულ-ჩინური სავაჭრო ურთიერთობებს მსოფლიო სავაჭრო ორგანიზაციაში განიხილავს. ჩინეთის კომერციის სამინისტრომ საქმე ოფიციალურად აღძრა აშშ-ს იმპორტის გადასახადის გამო. საკითხის განსახილველად სხდომის გამართვა ჩინეთის წარმომადგენლობამ დღეს ოფიციალურად მოითხოვა. საქმე ისაა, რომ ჩინეთს ამერიკაში იმპორტი გაუძვირდა. ტრამპმა იმპორტზე გადასახადი 15%-მდე გაზარდა. ჩინური მხარე აცხადებს, რომ ეს საერთაშორისო შეთანხმების დარღვევაა.
შეგახსენებთ, 1 სექტემბერს შეერთებულმა შტატებმა 15 პროცენტიანი ტარიფი დააწესა სხვადასხვა ჩინურ საქონელზე, მათ შორის ფეხსაცმლის, ჭკვიანი საათების და ტელევიზორების იმპორტზე.