დღეიდან შრომის ინსპექტირების სამსახური შეამოწმებს სპორტდარბაზებსა და საცურაო აუზებს და რომლებიც წარმატებით გაივლიან ინსპექტირებას, დაუყოვნებლივ შეძლებენ ფუნქციონირების განახლებას.
ობიექტები შემოოწმდებიან, აკმაყოფილებენ თუ არა იმ პირობებს, რომლებიც მათ ჯანდაცვის სამინისტრომ დაუწესა.
საცურაო აუზებისთვის სავალდებულოა ყოველდღიური ბაქტერიული კვლევების ჩატარება, ხოლო დარბაზებში მოთხოვნილია ვენტილაცია და აიკრძალა 10 კაცზე მეტის ჯგუფური ვარჯიში.
ფიტნეს დარბაზებისთვის შემუშავებული ძირითადი რეკომენდაციები ასე გამოიყურება:
- ყოველ 6 კვადრატულ მეტრზე მოხდება ერთი ადამიანის დაშვება;
- ვენტილაციას მიენიჭება დიდი მნიშვნელობა;
- უპირატესობა მიენიჭება ბუნებრივ ვენტილაციას, ხოლო ხელოვნური ვენტილაციის შემთხვევაში, ნომინალურ სიჩქარეზე უნდა იყოს გადართული და შესაბამისი პროტოკოლი და წესი იქნება დადგენილი;
- დალაგების შემდგომ ორპირი ქარის პრინციპით უნდა მოხდეს განიავება;
- საშხაპეები უნდა იყოს შესაბამისი ტიხრებით გამოყოფილი ერთმანეთისგან;
- კარადები უნდა იყოს ერთის გამოტოვებით, თითოეული ადამიანისგან;
- პირსახოცები უნდა იყოს ერთჯერადი შეფუთვით;
- წესდება ლიმიტი ჯგუფური ვარჯიშების განხორციელებისას, არაუმეტეს ათი ადამიანის ოდენობით მოხდება პროცედურის წარმართვა.
სხვა მოთხოვნები ყველა ბიზნესოპერატორისთვის საერთოა და ესაა ჰიგიენურ-სანიტარული წესების დაცვა.