ევროპული ეკონომიკის აღდგენის ფონდი მუშაობას 1 ივნისიდან დაიწყებს. ამის შესახებ განცხადება ევროსაბჭოს ოფიციალურ ვებ-გვერდზე გამოქვეყნდა.
672.5 მილიარდი ევროს ოდენობით თანხა ევროკავშირის ეკონომიკის აღდგენასა და მხარდაჭერას მოხმარდება.
"ხვალიდან ევროკავშირს შეეძლება მიიღოს საჭირო დაფინანსება ევროპის ეკონომიკისა და სოციალური სფეროს აღსადგენად", - ნათქვამია ევროსაბჭოს მიერ გამოქვეყნებულ განცხადებაში.
დოკუმენტში განმარტებულია, რომ რატიფიკაციის პროცესის დასრულება ევროკავშირს საშუალებას აძლევს 2021 წლის ივნისიდანვე აიღოს სესხი კაპიტალის ბაზრებიდან.