იაპონია აპირებს კომპანიებს ჩინეთის დატოვებისთვის და თავიანთი წარმოების სხვაგან გადატანისთვის ფინანსური მხარდაჭერა აღმოუჩინოს.
იაპონიის მთავრობამ $2,2 მილიარდიანი პაკეტი გაამზადა იმ მწარმოებლებისთვის, რომლებსაც ჩინეთში აქვთ წარმოება და რომელთა მიწოდების ქსელები კორონავირუსის გამო შეფერხდა.
220 მილიარდი იენი ($2 მილიარდი) გადანაწილდება იმ კომპანიებზე, რომლებიც წარმოებას ჩინეთიდან იაპონიაში გადმოიტანენ. დამატებით 23,5 მილიარდი იენი კი გადანაწილდება მათზე, რომლებიც ბიზნესს ჩინეთიდან სხვა ქვეყნებში გადაიტანენ.