იმერეთში სახელმწიფო რწმუნებული ადმინისტრაცია აგრარული ბაზრების ალტერნატივაზე მუშაობს.
რწმუნებულის პრესსამსახურის ცნობით, ალტერნატიული მოდელი დამუშავების პროცესშია და ის უნაღდო ანგარიშსწორების პრონციპზე იქნება დაფუძნებული.
მობილური ბაზარი ასე იმუშავებს: ტრანსპორტში ჩაიტვირთება სასურსათო პროდუქტები და მანქანები ივლიან რეგიონის მუნიციპალიტეტებში.
„მობილური ბაზრობები, შესაძლოა 12-ვე მუნიციპალიტეტში გაიშალოს, რომ ადგილზე ჰქონდეს მომხმარებელს პროდუქტების შეძენის შესაძლებლობა, რომელიც ელექტრონულ გადახდას ითვალისწინებს. იდეა ჯერ დამუშავების ეტაპზეა და მუნიციპალიტეტების მერებთან ერთად ერთად ვამუშავებთ საკითხს. როგორც კი შევჯერდებით, მედიას ვაცნობებთ," - აცხადებენ სახელმწიფო რწმუნებულის აპარატში.
ცნობისთვის იმერეთის 12 მუნიციპალიტეტში აგრარული ბაზრები 4 აპრილს დაიხურა.