სამტრედია-გრიგოლეთის ოთხზოლიანი ჩქაროსნული მაგისტრალის მეორე მონაკვეთი - ჯაპანა-ლანჩხუთის 14-კილომეტრიანი გზის მშენებლობა დასრულდა და 15 ივლისიდან აღნიშნულ გზაზე გადაადგილება ორივე მიმართულებით არის შესაძლებელი. გზა POWERCHINA/Sinohydro-მ (ფაუერჩაინა/სინოჰიდრო) ააშენა.
კომპანიის ინფორმაციით, ამ მონაკვეთის გახსნის შედეგად, 20-30%-ით შემცირდა გადაადგილების დრო. გზა გვერდს უვლის მჭიდროდ დასახლებულ პუნქტებს და გადის ლანჩხუთის მუნიციპალიტეტის მხოლოდ ოთხ სოფელზე: ჯაპანა, ქვიანი, ნიგოითი და ქვემო შუხუთი. მათივე თქმით, ძველი გზა საფრთხეს უქმნიდა როგორც მძღოლებს, ისე - ადგილობრივ მაცხოვრებლებს, შესაბამისად, ახალი პროექტის დროულად ჩაბარება კომპანიისთვის ძალიან მნიშვნელოვანი იყო.