ქაბულის ჰამიდ კარზაის საერთაშორისო აეროპორტი ოფიციალურად გაიხსნა. ამის შესახებ განცხადება თალიბანის მთავრობამ Twitter-ზე გამოაქვეყნა.
"ქაბულის საერთაშორისო აეროპორტი ოფიციალურად გაიხსნა შიდა და საერთაშორისო კომერციული ფრენებისთვის", - ნათქვამია ავღანეთის ისლამური საამიროს განცხადებაში.
განცხადებაში აღნიშნულია, რომ 26 აგვისტოს დაზიანებული ასაფრენი ბილიკი გარემონტდა.
სამოქალაქო საჰაერო მიმოსვლა ქაბულის აეროპორტიდან შეწყდა მას შემდეგ, რაც 15 აგვისტოს თალიბებმა ქაბული აიღეს.