ქარსაფარი ზოლის დაზიანებისთვის პირს ადმინისტრაციული პასუხისმგებლობა დაეკისრება. ამის შესახებ "ადმინისტრაციულ სამართალდარღვევათა კოდექსის" ახალ პროექტშია ნათქვამი, რომელსაც პარლამენტი განიხილავს.
კოდექსის მიხედვით ქარსაფარ ზოლში მწვანე ნარგავების მოსპობა ან დაზიანება 500 ლარის ოდენობით დაჯარიმებას გამოიწვევს. ეს ქმედება, ჩადენილი განმეორებით, გამოიწვევს დაჯარიმებას 2 000 ლარის ოდენობით.
ქარსაფარ ზოლში ხე-ბუჩქნარის გაჩეხვა გამოიწვევს დაჯარიმებას 1 000 ლარის ოდენობით.