ქართულ მაღაზიათა ასოციაციაში აცხადებენ, რომ დამსაქმებლისთვის სამუშაო საათების აღრიცხვის ვალდებულება დაჩქარებულად ამოქმედდა და ბიზნესს პანდემიური კრიზისის პარალელურად ახალ რეგულაციებთან ადაპტირებისთვის საკმარისი დრო არ ჰქონია. მათი განმარტებით, ქართულ მაღაზიათა ასოციაციის 400-მდე კომპანიიდან 350-ზე მეტი დაჯარიმების რისკის ქვეშაა, რადგან სამუშაო საათების აღრიცხვისთვის მზად არ არის.
„უმეტესობა რეგულაციის სრულფასოვან დაცვას მაინც ვერ ახერხებს. ვფიქრობთ, ამ რეგულაციის ასე ჩქარა ამოქმედება არ იყო აუცილებელი," - განმარტავს „ქართულ მაღაზიათა ასოციაციის“ თავმჯდომარე სანდრო სუბელიანი.
შეგახსენებთ, კომპანიებს დასაქმებულთა სამუშაო საათების აღრიცხვა დაევალათ. წარმოებული ანგარიში დამსაქმებლებმა 1 წლით უნდა დაარქივონ.