აშშ-ში ბუნებრივი ნედლეულის მარაგების შემცირების გამო, მსოფლიო ბაზარზე ნავთობის ღირებულება გასული სავაჭრო დღის მიმდინარეობისას მცირედით გაიზარდა. Report.ge-ის ცნობით, ამას მოწმობს სავაჭრო ბაზრის მონაცემები.
Brent-ის მარტის ფიუჩერსების ფასი 0.28%-ით გაიზარდა და ბარელზე 79.43 აშშ დოლარი შეადგინა.
ხოლო, WTI-ის თებერვლის ფიუჩერსების ღირებულება 0.33%-ით არის მომატებული და ბარელზე 76.81 აშშ დოლარად ბარდება.
Brent-ის ნავთობის ფასმა ამერიკული სტატისტიკის გამოქვეყნებისთანავე ბარელზე 80 დოლარს გადააჭარბა, თუმცა საღამოსთვის მისი ღირებულება დაკორექტირდა.
ნავთობის კომერციული მარაგი შეერთებულ შტატებში (სტრატეგიული მარაგის გამოკლებით) 24 დეკემბერს დასრულებული კვირისთვის 3,6 მილიონი ბარელით, ანუ 0,8%-ით შემცირდა და 420 მლნ ბარელი შეადგინა. ანალიტიკოსები მხოლოდ 3,2 მილიონი ბარელით კლებას ელოდნენ.