„ნუ ნერვიულობს ოპოზიცია, ჩვენ ყველა ჩვენს დანაპირებს ვასრულებთ", - ასე უპასუხა საქართველოს ეკონომიკისა და მდგრადი განვითარების მინისტრმა ნათია თურნავამ კითხვას წყალტუბოს განვითარების პროექტთან დაკავშირებით.
მინისტრის თქმით, კორონავირუსის პანდემია არ დაეტყობა წყალტუბოს პროექტს.
"წყალტუბოს აღორძინება დაიწყება გეგმაზომიერად. ისე, როგორც ითქვა. რა თქმა უნდა, კორონავირუსმა შეანელა ბევრი პროცესი, მაგრამ ეს საბოლოო ჯამში არანაირად არ დაეტყობა წყალტუბოს პროექტს და ამის დასტურია თუნდაც აბასთუმნის პროექტი, რომელიც ბატონი ბიძინა ივანიშვილის და „ქართუ ფონდის“ ქველმოქმედების საფუძველზე კერძო ბიზნესის ჩართულობით ხორციელდება. ასეთივე აღმავლობა ძალიან სწრაფად დაიწყება წყალტუბოში", - განაცხადა თურნავამ.