Brent-ის ფირმის ნავთობის ფასი ზრდას განაგრძობს. ლონდონის ICE ბირჟაზე, 1 ბარელის ფასმა, წინა სესიასთან შედარებით, 1,31%-ით მოიმატა და 40,09 აშშ დოლარი შეადგინა.
რაც შეეხება ამერიკული WTI-ის, მისი ფასი ნიუ-იორკის საფონდო ბირჟაზე, +2,66%-ით გაიზარდა და 37,57 აშშ დოლარი შეადგინა.
ნავთობის ფასის ზრდა, სავარაუდოდ OPEK+-ის უახლოეს მომავალში დაგეგმილ შეხვედრას უკავშირდება, სადაც ქვეყნები სავარაუდოდ ნავთობწარმოების შემცირებულ კვოტებზე შეთანხმებას სექტემბრამდე გააგრძელებენ.