OPEC-ის ქვეყნების მინისტრები 3 იანვარს საგანგებო შეხვედრას გამართავენ, სადაც ორგანიზაციის ახალი გენერალური მდივნის კანდიდატურას განიხილავენ. Report.ge-ს ცნობით, ინფორმაციას OPEC-ის პრესსამსახური ავრცელებს.
ახალმა გენერალურმა მდივანმა მომავალ წელს კარტელის ამჟამინდელი ხელმძღვანელი მოჰამედ ბარკინდო უნდა შეცვალოს.
ამ პოსტზე ჯერჯერობით ერთადერთი კანდიდატია - ქუვეითის წარმომადგენელი ჰაისამ ალ-გაისი, რომელიც 2017 წლიდან 2021 წლამდე OPEC-ში ქუვეითის დელეგაციას ხელმძღვანელობდა.
2016 წლიდან OPEC-ის გენერალური მდივნის პოსტს მუჰამედ ბარკინდო იკავებს, მისი უფლებამოსილების მეორე ვადა 2022 წლის ივლისში იწურება. OPEC-ის წესდების თანახმად, გენერალური მდივანი აირჩევა სამი წლის ვადით.