პარლამენტის ბიურომ “მინისტრის საათის“ ფორმატში მინისტრების მოსმენის განრიგი დაამტკიცა.
ეკონომიკური გუნდის მინისტრებს დეპუტატები შემდეგი განრიგით მოუსმენენ:
რეგიონული განვითარებისა და ინფრასტრუქტურის მინისტრი - 16-19 თებერვალი;
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი - 13-16 აპრილი;
ფინანსთა მინისტრი - 8-11 ივნისი;
გარემოს დაცვისა და სოფლის მეურნეობის მინისტრი - 30-3 დეკემბერი;
ეკონომიკისა და მდგრადი განვითარების მინისტრი - 14-17 დეკემბერი.
რაც შეეხება, მინისტრთა კაბინეტის სხვა წევრებს, პარლამენტში შინაგან საქმეთა მინისტრს - 2-5 მარტს ელოდებიან, 16 – 19 მარტს დეპუტატების წინაშე წარსდგება განათლების, მეცნიერების, კულტურისა და სპორტის მინისტრი. შერიგებისა და სამოქალაქო თანასწორობის საკითხებში სახელმწიფო მინისტრი პარლამენტში ანგარიშს 27-29 აპრილს წარადგენს, "მინისტრის საათის" ფორმატში თავდაცვის მინისტრი საკანონმდებლო ორგანოში -11-14 მაისს მივა, ამავე მიზნთ, საგარეო საქმეთა მინისტრს კანონმდებლები 7-10 სექტემბერს ელოდებიან, ხოლო იუსტიციის მინისტრი ანგარიშს დეპუატატებს 21-24 სექტემბერს ჩააბარებს.
შეგახსენებთ, "მინისტრის საათი" წელიწადში ერთხელ, მთავრობის ცალკეული წევრების პლენარულ სხდომაზე სამთავრობო პროგრამის შესრულების თაობაზე მოხსენებით გამოსვლას გულისხმობს.