პარლამენტმა პლენარულ სესიაზე მეორე მოსმენით დაამტკიცა (80 მომხრე, 0 წინააღმდეგი) ცვლილებები „ენერგეტიკისა და წყალმომარაგების“ შესახებ კანონში, რომელიც ეკონომიკის სამინისტრომ და სემეკმა ერთობლივად მოამზადეს. ცვლილებების თანახმად, ენერგეტიკის სექტორში მოღვაწე კომპანიები მარეგულირებელი კომისიის ნებართვის გარეშე კომპანიის წილების/აქციების 5%-ზე მეტს ვერ გაასხვისებენ.
პლენარულ სესიაზე მეორე მოსმენით დამტკიცდა (83 მომხრე, 1 წინააღმდეგი) ასევე ელექტრონული კომუნიკაციების შესახებ კანონპროექტი.
ერთ-ერთი მნიშვნელოვანი ცვლილება, რასაც კანონპროექტი ითვალისწინებს არის ის, რომ კომუნიკაციების მარეგულირებელ კომისიას უფლებამოსილება ეძლევა კომპანიებში სპეციალური მმართველი დანიშნოს. პირვანდელ დოკუმენტში, სპეციალურ მმართველს კომპანიის აქციების/წილების გასხვისების უფლებაც ჰქონდა, თუმცა სექტორის მკაცრი კრიტიკისა და პროსტესტის შემდეგ, აღნიშნული რედაქცია დაკორექტირდა და სპეც მმართველს ეს უფლება აღარ ექნება.