18 მაისიდან სილამაზის სალონები და ესთეტიკური ცენტრები იხსნება. ასევე იხსნება შეზღუდვა დახურულ სივრცეში 3 ადამიანის შეკრებაზე, თუმცა ძალაში რჩება ტრანსპორტით, ავტომობილით, 3 ადამიანის გადაადგილების მოთხოვნა.
ამის შესახებ დღეს პრემიერმა გახარიამ მთავრობის სხდომის დაწყების წინ განაცხადა.
მისი თქმით, ეკონომიკის გახსნის ეტაპების დაჩქარების საფუძველს ქვეყნის დამაკმაყოფილებელი ეპიდემიოლოგიური მდგომარეობა იძლევა, თუმცა სიფრთხილისა და წესების დაცვა მაინც ყველასთვის სავალდებულო იქნება.