ეკონომიკისა და მდგრადი განვითარების მინისტრმა ნათია თურნავამ და თბილისის მერმა კახა კალაძემ ვაჟა-ფშაველას გამზირზე სავაჭრო ცენტრი გახსნეს. „სითი მოლის“ წარმომადგენლების თქმით, პროექტში 210 მლნ ლარის ინვესტიცია განხორციელდა და 3500 ახალი სამუშაო ადგილი შეიქმნა.
ცენტრი 120 000 კვ.მეტრზეა განლაგებული და სავაჭრო წერტილების გარდა, გასართობ სივრცეებსაც მოიცავს. პროექტი ევროპის რეკონსტრუქციისა და განვითარების ბანკის მიერაა მხარდაჭერილი.