ელექტრო ავტომობილების მწარმოებელმა კომპანია Tesla-მ ბავშვებისათვის კვადროციკლი გამოუშვა. შესაბამისი განცხადება კომპანიის ვებგვერდზე გამოქვეყნდა.
განცხადებაში აღნიშნულია, რომ კვადროციკლი რვა წლის ასაკიდან ბავშვებისთვის არის განკუთვნილი.
Cyberquad for Kids-ის ღირებულება კი 1 900 აშშ დოლარია.
კვადროციკლის აღწერილობაში აღნიშნულია, რომ მისი ვიზუალი Tesla Cybertruck-ის პიკაპის დიზაინით არის შთაგონებული.
სრულიად ელექტრო Cyberquad ლითიუმ-იონური ბატარეით იკვებება, რომლის სრულად დატენას დაახლოებით 8 საათი სჭირდება.
კვადროციკლი სრულად დატენილ მდგომარეობაში 24 კმ-ს ფარავს. მისი მაქსიმალური სიჩქარე 16 კმ/სთ-ს აღწევს. თუმცა, მშობელს სურვილის შემთხვევაში მაქსიმალური სიჩქარის 8 კმ/სთ-მდე შეზღუდვა შეეძლება.