რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა და შპს „ბაუ დიზაინის“ დირექტორმა მიხეილ ბალიაშვილმა შეთანხმება გააფორმეს.
დოკუმენტის თანახმად, ქალაქ წყალტუბოს გენერალური გეგმის კონცეფციის შემუშავებაზე ჩატარებულ კონკურსში გამარჯვებული კომპანია „ბაუ დიზაინი“, რომელიც მაღალკვალიფიციური უცხოელი და ქართველი სპეციალისტებისგან შედგება, კონცეფციას 90 დღის ვადაში წარმოადგენს.
გენგეგმით უნდა განისაზღვროს ის აუცილებელი ღონისძიებები, რაც კურორტს შეუნარჩუნებს უნიკალურ ფუნქციურ-გეგმარებით სტრუქტურას და ქალაქს ქაოტური, უმართავი განაშენიანებისგან დაიცავს.