თურქეთსა და აზერბაიჯანს შორის იგდირ-ნახჩევანის გაზსადენის მშენებლობისთვის მზადება დასრულებულია. ამის შესახებ თურქეთის ენერგეტიკისა და ბუნებრივი რესურსების მინისტრმა, ფატიჰ დონმეზმა განაცხადა.
"ჩვენ ველოდებით აზერბაიჯანული მხარის მიერ გარკვეული ტექნიკური მონაცემების დამტკიცებას, რის შემდეგაც გაზსადენის მშენებლობას დავიწყებთ", - განაცხადა მინისტრმა.
2020 წლის 15 დეკემბერს აზერბაიჯანმა და თურქეთმა ხელი მოაწერეს ურთიერთთანამშრომლობის მემორანდუმს იგდირ-ნახჩევანის გაზსადენის პროექტის შესახებ. დოკუმენტს ხელი მოეწერა ორი ქვეყნის ენერგეტიკის სამინისტროებს შორის. გაზსადენით წელიწადში 500 მილიონი კუბური მეტრი აირის ტრანზიტი განხორციელდება.
პროექტს აზერბაიჯანული კომპანია SOCAR და თურქული კომპანია BOTAŞ განახორციელებენ.