თურქული ლირა დოლართან მიმართებაში ისტორიულ მინიმუმამდე დაეცა. ბოლო 24 საათის განმავლობაში ლირის კურსი კიდევ 1%-ით დაეცა.
დოლარის კურსი ლირასთან მიმართებაში 13,8 ლირას შეადგენს.
თურქული ვალუტა, რომელიც წლის დასაწყისში ერთ დოლარზე 7,4 ლირად ვაჭრობდა, წლის განმავლობაში 45%-ზე მეტით დაეცა.
ლირის ვარდა კიდევ უფრო დააჩქარა იმ ფაქტმა, რომ თურქეთის ცენტრალურმა ბანკმა გადაწყვიტა დისკონტის განაკვეთი 16%-დან 15%-მდე შეემცირებინა.
ლირამ მკვეთრად ვარდნა ოქტომბრის შუა რიცხვებში დაიწყო მას შემდეგ, რაც თურქეთის პრეზიდენტმა, რეჯეფ თაიპ ერდოღანმა ცენტრალური ბანკის სამი მაღალი თანამდებობის პირი, მათ შორის ხელმძღვანელის ორი მოადგილე, თანამდებობიდან გაათავისუფლა.