"ბეტმენის" ახალი ფილმის თიზერი გამოქვეყნდა - VIDEO

Warner Bros. Pictures-მა "ბეტმენის" ახალი ფილმის პირველი ოფიციალური თიზერი გამოქვეყნა, რომელშიც მთავარ როლს რობერტ პატინსონი ასრულებს.

ფილმის რეჟისორია მეთ რივზი. სუპერგმირზე შექმნილი ფილმის ახალ ვერსიაში მთავარი გმირი, ბრუს უეინი ჯერ ძალიან ახალგაზრდაა და საზოგადოება "ბეტმენს" არ იცნობს. როგორც თიზერიდან ირკვევა, ფილმის მთავარი ანტიგმირი რიდლერია. 

კორონავირუსის ეპიდემიის გამო გადაღებები რამდენიმე თვით გადაიდო, თუმცა სექტებრიდან კვლავ განახლდება. ფილმის პრემიერა 2021 წლის 1 ოქტომბერს გაიმართება.