ბათუმის შავი ზღვის მუსიკისა და ხელოვნების საერთაშორისო ფესტივალი მერვედ ჩატარდება. მსმენელი მსოფლიოში აღიარებულ და ახალგაზრდა მუსიკოსებს ამჯერად განსხვავებულ, ონლაინ ფორმატში მოუსმენს.
მასში მონაწილეობას მიიღებენ ჯუზეპე ნოვა, მიშელ სონი, ლიზა მეგრელიშვილი, ბარბარე ჩხაიძე, ეკატერინე ნიკოლაძე, ანაჰიტ სტელმაშოვა, ბარბარე თათარაძე, ილია ლომთათიძე და ელისო ბოლქვაძე.
ფესტივალი 16-18 ოქტომბერს გაერო-ს განათლების, მეცნიერებისა და კულტურის ორგანიზაციის მხარდაჭერით გაიმართება.