ოუენ უილსონი Marvel Studios სერიალ „Loki”-ში ერთ-ერთ მთავარ როლს შეასრულებს.
სერიალის შესახებ დეტალები ჯერ-ჯერობით უცნობია. ლოკის როლში კვლავ ტომ ჰიდლსტონს ვიხილავთ. ასევე, სამსახიობო გუნდს შეუერთდება სოფია დი მარტინო.
„ლოკი“ ერთ-ერთია მარველის იმ შვიდი სერიალიდან, რომელსაც „Disney+“-ზე ვიხილავთ. სერიალის პრემიერა 2021 წლის გაზაფხულზე იგეგმება.
სერიალში მოქმედება „Avengers: Endgame“-ის შემდგომ პერიოდში ვითარდება. ამასთან, სერიალი დაკავშირებული იქნება Doctor Strange-ის მეორე ნაწილთანაც, რომლის პრემიერაც 2021 წლის მაისში გაიმართება.