ლეგენდარულმა როკ-ჯგუფმა Queen-მა ცნობილ ბრიტანელ დიზაინერ ჯონი ჰოქსტონთან თანამშრომლობით ექსკლუზიური სამკაულები შექმნა. შესაბამისი ინფორმაცია ონლაინ მაღაზიის ვებგვერდზე QueenOnline.com-ზე გამოქვეყნდა.
სამკაულების ფოტოები სოციალურ ქსელში თავად დიზაინერმა გაავრცელა.
კოლაბორაციით 9 კარატიანი ოქროს ბეჭედი შეიქმნა, რომელზეც ამოტვიფრულია სიტყვა Queen. ასევე, ექსკლუზიური სამკაულების კოლექციაში შედის ვერცხლის ჯაჭვი და "Q" ბგერის გულსაკიდი.
Queen-ისა და ჯონ ჰოქსტონის თანამშრომლობა ლეგენდარული ჯგუფის 50 წლის იუბილეს ეძღვნება.