ეროვნული კინოცენტრის მოწვევით, თბილისს ესპანელი კინემატოგრაფისტები სამუშაო ვიზიტით სტუმრობენ. ვიზიტის მიზანი, სამომავლო თანამშრომლობის მიზნით, მოლაპარაკებების წარმოებაა.
პროექტის ფარგლებში, პირველი შეხვედრა ქართველ და ესპანელ კოლეგებს შორის შედგა მადრიდში, Platino Industria forum-ზე, სადაც 10 ქართველი პროდიუსერი ეროვნული კინოცენტრისა და ესპანური ორგანიზაცია „ეხედას” თანამშრომლობით გაემგზავრა.
ღონისძიება ხორციელდება ევროკავშირის პროგრამა EU4Business: Connecting Companies-ის მხარდაჭერით. პროგრამის მიზანია ევროკავშირის წევრ და აღმოსავლეთ პარტნიორობის ქვეყნებს შორის ეკონომიკური კავშირების განვითარება.