ზუგდიდის რაიონის სოფელ გრიგოლიში, ბადრი ესებუას სახლში ჩხრეკის ოპერაცია მიმდინარეობს. ადგილზე სპეცდანიშნულების რაზმი და სამართალდამცველები არიან მობილიზებულნი.
"საქართველოს ბანკზე" თავდასხმის საქმეზე ზუგდიდის სამხარეო პოლიციის სამმართველოში განცხადება გაკეთდება.
როგორც report.ge-ს შინაგან საქმეთა სამინისტროში განუცხადეს, ბრიფინგი 20:00 საათზე ჩაინიშნა. განცხადებას შინაგან საქმეთა მინისტრის მოადგილე ვლადიმერ ბორცვაძე გააკეთებს.
უწყებაში დამატებით დეტალებზე ამ ეტაპზე არ საუბრობენ და ამ დროისთვის უცნობია, დაკავებულია თუ არა ბანკზე თავდამსხმელი.