ფეხბურთელ გიორგი შაქარაშვილის საქმეზე დაკავებულ 17-ვე ბრალდებულს აღკვეთის ღონისძიების სახით პატიმრობა შეეფარდა. მცხეთის რაიონულმა სასამართლომ გადაწყვეტილება რამდენიმე წუთის წინ გამოაცხადა.
პროცესი დახურულ რეჟიმში მიმდინარეობდა.
დაკავებულებს, რომელთა შორის 6 არასრულწლოვანია, პროკურატურამ ბრალი გუშინ, 27 ივნისს წაუყენა.
გიორგი შაქარაშვილის დაკარგვის შესახებ 19 ივნისს აცნობეს პოლიციას. ფეხბურთელის სამძებრო ღონისძიებები 4 დღის განმავლობაში მიმდინარეობდა.
საქმეზე გამოძიება საქართველოს სსკ-ის 225-ე, 143-ე და 126-ე მუხლებით მიმდინარეობს.