საქართველოს ყოფილი პრეზიდენტის გიორგი მარგველაშვილის სიძეს, მინდია გოგოჭურს ბრალი სამი მუხლით წარედგინა.
126-ე მუხლის პირველ ნაწილს და 236-ე მუხლს, ნარკოტიკული ნივთიერების შეძენა-შენახვის მუხლიც დაემატა.
დაკავებულის ადვოკატის თქმით, გოგოჭური ბრალს არ აღიარებს და დუმილის უფლებას იყენებს.
ცნობისთვის, მინდია გოგოჭური გუშინ დააკავეს, გამოძიება სისხლის სამართლის კოდექსის 126-ე მუხლის პირველი ნაწილით დაიწყო რაც ძალადობას-ცემას გულისხმობს.
გამოძიება ასევე მიმდინარეობდა 236-ე მუხლით, რაც იარაღის უკანონო შეძენა, შენახვა, ტარებას გულისხმობს.
დაკავებულისთვის აღკვეთის ღონისძიების შეფარდებაზე, ოზურგეთის სასამართლო ხვალ იმსჯელებს.