"ღია სივრცეში პირბადის გამოუყენებლობისთვის გამოწერილი ჯარიმა საჩხერის რაიონულმა სასამართლომ უკანონოდ სცნო",- ამის შესახებ ინფორმაციას პოლიტიკური პარტია "გირჩი-მეტი თავისუფლება" ავრცელებს.
როგორც პარტიაში აცხადებენ, თვეების განმავლობაში პოლიცია უკანონოდ აჯარიმებდა მოქალაქეებს.
მათივე ცნობით, 18 თებერვლამდე დაწერილი ყველა ჯარიმა ავტომატურად გასაუქმებელია.
"მოსარჩელე: გიორგი ჭიღლაძე
წარმომადგენელი: ლაშა კაპანაძე
მოსამართლე: კახა ყიფიანი
სასამართლო გადაწყვეტილება კიდევ ერთი მტკიცებულებაა, რომ 18 თებერვლამდე, ვიდრე პარლამენტი კანონში ცვლილებებს შეიტანდა, თვეების განმავლობაში პოლიცია უკანონოდ აჯარიმებდა მოქალაქეებს.შესაბამისად, 18 თებერვლამდე დაწერილი ყველა ჯარიმა ავტომატურად გასაუქმებელია!", - აღნიშნულია "გირჩი-მეტი თავისუფლების" მიერ გავრცელებულ განცხადებაში.