"მთავარი არხის" დამფუძნებელი ნიკა გვარამია ამბობს, რომ მისი ლიკვიდაცია იგეგმებოდა. ამის შესახებ მან სუს-ში სამსაათიანი გამოკითხვის შემდეგ განაცხადა.
ნიკა გვარამიას გამოკითხვა სუს-ში ხვალ, 7 აგვისტოს, 16:00 საათზე გაგრძელდება.
"ნამდვილად არ უკავშირდებოდა კრებსებს... დღეს გამოკითხვა შეწყდა, ხვალ გაგრძელდება 4 საათზე. საკითხი ეხებოდა ჩემს წინააღმდეგ დაგეგმილ ტერორისტულ აქტს, რაზეც მიმდინარეობდა გამოკითხვა და ხვალაც გაგრძელდება. მეტის თქმა არ შემიძლია... ვერ გეტყვით ვერაფერს დეტალებში... დრო მოვა ალბათ მალე, როცა განმარტებებს გავაკეთებ", - ამბობს ნიკა გვარამია.
ცნობისთვის, დღეს ნიკა გვარამია სახელმწიფო უსაფრთხოების სამსახურში მივიდა. სუს-ის ინფორმაციით, მან უწყებას თავად მიმართა.