თბილისის საქალაქო სასამართლომ 31 დეკემბერს გამთენიისას პარლამენტის მიმდებარე ტერიტორიაზე დაკავებული ნოდარ რუხაძე და გიორგი შოთაძე სამართალდამრღვევებად არ ცნო.
კიდევ ერთი პირის რომან ფარულავას მიმართ კი მოსამართლემ გამამტყუნებენი განაჩენი გამოიტანა. ის წვრილმან ხულიგნობაში ადმინისტრაციულ სამართალდამრღვევად ცნეს და 500-ლარიანი ჯარიმა დააკისრეს.
ადმინისტრაციული სამართალდარღვევის ფაქტზე დაკავებულ სამ პირს გამოძიება ადმინისტრაციულ სამართალდარღვევათა კოდექსის 166-ე (წვრილმანი ხულიგნობა) და 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) მუხლების დარღვევას ედავებოდა.