ფეხბურთელ გიორგი შაქარაშვილის განზრახ მკვლელობის საქმეებზე განხორცელებული მუქარისა და მტკიცებულებების ფალსიფიცირების ბრალით დაკავებულ თამაზ ხომასურიძეს აღკვეთის ღონისძიების სახით პატიმრობა შეუფარდეს.
თბილისის საქალაქო სასამართლომ სხდომა დისტანციურ რეჟიმში გამართა.
ბრალდების მხარე აღკვეთის ღონისძიების სახით პატიმრობას მოითხოვდა. პროკურორის განცხადებით, ბრალდებულის მხრიდან არსებობს მტკიცებულებების განადგურების, მოწმეებზე ზემოქმედებისა და მიმალვის საფრთხეები. დაცვის მხარე კი, 2000-ლარიანი გირაოს შეფარდებას მოითხოვდა.
წინასასამართლო პროცესი 28 ოქტომბერს, 15:00 საათზე ჩაინიშნა.