თამარ ბაჩალიაშვილის მამა დაზარალებულის უფლებამონაცვლედ ცნეს - ამის შესახებ ინფორმაცია report.ge-ს ოჯახის ადვოკატმა, მიხეილ რამიშვილმა დაუდასტურა.
ჯუმბერ ბაჩალიაშვილის დაზარალებულის უფლებამონაცვლედ ცნობა, ადვოკატს საქმის მასალებზე სრულად წვდომის შესაძლებლობას მისცემს. განცხადება დაზარალებულად ცნობის მოთხოვნით ადვოკატმა, ქვემო ქართლის სამხარეო პოლიციაში, 23 ივლისს, შეავსო.
შეგახსენებთ, 23 წლის გოგოს გარდაცვალების საქმეს კიდევ ერთი მუხლი დაემატა.
ცნობისთვის,ფონიჭალიდან გაუჩინარებული 23 წლის თამარ ბაჩალიაშვილის ცხედარი, 4 დღის შემდეგ, 22 ივლისს, თეთრიწყაროს ტყეში, საკუთარ ავტომობილში იპოვეს.