საკონსტიტუციო სასამართლო „საქართველოს სახარების რწმენის ეკლესიის“, „ქართველ მუსლიმთა კავშირისა“ და სხვა რელიგიური ორგანიზაციების სარჩელის მიღებაზე მსჯელობს.
მოსარჩელეები აღნიშნავენ, რომ სადავო ნორმები კრძალავს მათ მიერ სახელმწიფო საკუთრებაში არსებული ქონების შეძენას მაშინ, როდესაც მსგავსი შესაძლებლობა უზრუნველყოფილია საქართველოს სამოციქულო ავტოკეფალური მართლმადიდებელი ეკლესიისათვის. მოსარჩელეები მიიჩნევენ, რომ სადავო ნორმები ახდენენ მათ დისკრიმინაციას რელიგიის ნიშნით, რის გამოც ირღვევა საქართველოს კონსტიტუციით გარანტირებული თანასწორობის უფლება.