ირინა ცერაძე 38 წელია სასწრაფოს ექიმია. თვლის, რომ სასწრაფოს ექიმობა განსაკუთრებული პროფესიაა, როდესაც კრიტიკულ სიტუაციაში მხოლოდ შენი იმედი აქვთ. ამბობს, რომ ერთი ადამიანის გადარჩენაც თუ შეძელი, უკვე ხვდები, რომ სიცოცხლე ამად ღირდა. 9 აპრილიც გამოვლილი აქვს და აგვისტოს ომიც. თვლის, რომ კარგად ესმის ჯარისკაცის, რადგან როდესაც პაციენტთან მიდის, მთავარი მიზანი მისი გადარჩენაა და არა საკუთარ თავზე ფიქრი.