ეკონომიკის ყოფილი მინისტრი გიორგი ქობულია შესაძლოა პოლიტიკაში დაბრუნდეს - ეს ინფორმაცია მან report.ge-ის დაუდასტურა. ქობულიას თქმით, ამ ეტაპზე, კონსულტაციებს თანამოაზრეებთან მართავს და რამდენიმე კვირაში დეტალებზე ჩამოყალიბდება.
"ნოემბერში გეტყვით მივდივარ თუ არა პოლიტიკაში. კონსულტაციებს ვმართავ თანამოაზრეებთან. თუ გადაწყდა და პოლიტიკაში დავბრუნდი, აქტიურად მოვემზადებით 2020 წლის არჩევნებისთვის,"- განაცხადა გიორგი ქობულიამ.
გიორგი ქობულია ეკონომიკის მინისტრის პოსტზე 2018 წლის ივლისში დაინიშნა და აღნიშნულ თანამდებობას 2019 აპრილამდე იკავებდა.