საქართველოს მეოთხე პრეზიდენტის, გიორგი მარგველაშვილის განცხადებით, ყოფილი პრემიერ-მინისტრი, პარტია "საქართველოსთვის" ლიდერი გიორგი გახარია, ბიძინა ივანიშვილის პროექტია.
"ის ივანიშვილის პროექტია და აქედან გამომდინარე, მან უნდა გადაიბაროს ის ხმები, რომლებსაც დაკარგავს "ქართული ოცნება". ქართული საზოგადოება ამას იოლად ხედავს უკვე და აფასებს. ეს შეფასება იყო თავის დროზე, "მოქალაქეთა კავშირთან" მიმართებაშიც და არ მოტყუვდა ქართველი ამომრჩეველი, ეს შეფასება იყო "ნაციონალური მოძრაობის" შემთხვევაშიც და ეს შეფასება არის დღეს, მე იმედი მაქვს, გახარიას შემთხვევაშიც", - განაცხადა გიორგი მარგველაშვილმა "ტვ პირველის" ეთერში.