"სანამ ქუთაისში გრიგოლ ვაშაძე ხალხს ხვდებოდა, გარეთ ჩვენს მანქანებს გადაუარა ვიღაც ნაძირალამ"- ამის შესახებ სოციალურ ქსელში "ნაციონალური მოძრაობის" აქტივისტი წერს და ფოტოებს აქვეყნებს.
ანა წითლაძის ინფორმაციით, დალეწილია გიორგი პატარაიას და დიმიტრი შაშკინის მანქანებიც.
"სანამ ქუთაისში გრიგოლ ვაშაძე ხალხს ხვდებოდა, გარეთ ჩვენს მანქანებს გადაუარა ვიღაც ნაძირალამ და "შემთხვევით" მიალეწა ერთმანეთს რვა მანქანა..
აბა, თუ გამოიძიებენ ან გადაახდევინებენ უნდა შევხედო!"- წერს წითლაძე.
როგორც Report.ge-ს შსს-ში განუცხადეს, მომხდარზე გამოძიება ადმინისტრაციული სამართალდარღვევათა კოდექსის 125-ე მუხლით დაიწყო და სამართალდამრღვევი მძღოლი დაჯარიმდა ადმინისტრაციული წესით.