განათლებისა და მეცნიერების კომიტეტის სხდომაზე ახალი სასწავლო გეგმის დანერგვის, სკოლების მართვისა და ზოგადი განათლების დაფინანსების მოდელის შესახებ იმსჯელეს.
განათლებისა და მეცნიერების მინისტრის პირველი მოადგილის, ეკატერინე დგებუაძის განცხადებით, ახალი ეროვნული სასწავლო გეგმის ძირითადი პრინციპია მოსწავლეზე და სასწავლო შედეგზე ორიენტირებულობა.
სწავლა-სწავლების პროცესის ცენტრში დგას კონკრეტული მოსწავლე თავისი ინდივიდუალური საჭიროებებით და მთელი სასწავლო სისტემა მასზეა ორიენტირებული.
დღესვე კომიტეტმა თემატური მოკვლევის ჯგუფის მიერ საქართველოს პარლამენტის განათლებისა და მეცნიერების კომიტეტისთვის ანგარიში განიხილა, რომელიც საქართველოში ზოგადი განათლების სისტემაზე „კოვიდ-19“-ით გამოწვეული პანდემიის გავლენას ეხებოდა.
ინფორმაციას საქართველოს პარლამენტის პრესსამსახური ავრცელებს.