საქართველოს პრემიერ-მინისტრი ირაკლი ღარიბაშვილი საქართველოს ერთიანობისთვის ბრძოლაში დაღუპულ გმირთა მემორიალთან იმყოფებოდა.
სოხუმის დაცემის 28 წლისთავთან დაკავშირებით ირაკლი ღარიბაშვილი გმირთა მემორიალთან მთავრობის წევრებთან, სახელმწიფო უსაფრთხოების სამსახურის უფროს გრიგოლ ლილუაშვილთან და აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძესთან ერთად მივიდა.
მთავრობის მეთაურმა მემორიალი გვირგვინით შეამკო და დაღუპულების ხსოვნას პატივი მიაგო.