საქართველოს პრეზიდენტი სალომე ზურაბიშვილი "ახალი თაობა პლურალიზმისა და დემოკრატიისთვის" ფორუმის მონაწილეებს შეხვდა.
ორბელიანების სასახლეში გამართულ შეხვედრას საქართველოს სხვადასხვა რეგიონიდან ცამოსული აზერბაიჯანელი ახალგაზრდები ესწრებოდნენ. საქართველოში აზერბაიჯანელთა ინტეგრაციის ცენტრის აღმასრულებელი დირექტორის, ორხან პირვერდიევის თქმით, აზერბაიჯანელმა ახალგაზრდებმა პრეზიდენტთან განათლების სფეროში არსებულ პრობლემებზე ისაუბრეს.
ასევე განიხილეს სამხრეთ კავკასიის რეგიონში მიმდინარე პროცესები და რეგიონული უსაფრთხოების საკითხები.
შეხვედრის მონაწილეებმა ხაზი გაუსვეს საქართველოს მნიშვნელოვან როლს რეგიონში მშვიდობისა და სტაბილურობის უზრუნველყოფის საქმეში.