საქართველოს საგარეო საქმეთა სამინისტრო თურქეთის მთავრობას და მოსახლეობას ხანძრის შედეგად გარდაცვლილი მოქალაქეების გამო უსამძიმრებს.
სამძიმრის წერილს საქართველოს საგარეო უწყება სოციალურ ქსელ Twitter-შო ავრცელებს.
"ჩვენი ღრმა სამძიმარი თურქეთის ხალხსა და მთავრობას თურქეთის სამხრეთ ნაწილში გამანადგურებელი ხანძრის შედეგად ადამიანების გარდაცვალების გამო. ჩვენ ფიქრითა და ლოცვით თქვენთან ვართ ამ მწუხარების დროს", - აღნიშნულია სამძიმრის წერილში.
შეგახსენებთ, თურქეთის სამხრეთ ნაწილში, ეგეოსისა და ხმელთაშუა ზღვის სანაპიროს მიმდებარე რაიონებში ტყის ხანძარს უკვე რამდენიმე ადამიანი ემსხვერპლა.